Julevsáme giellakonferánssa 16 -17 b. guovvamánon

Gåvvå: Sámij Åhpadusguovdásj

Sámij åhpadusguovdásj ja julevsáme sebrudahka bivddi giellakonferánssaj ságastittjat julevsámegiela ássjij birra ma guosski åtsådibmáj, giellaælládibmáj ja åhpadussaj. Álggep duorastagá ideda ja bierjjedakiehkeda hiejttep.

Gåvvå: UR Sveriges Utbildingsradio AB

Konferensa ájggom ja ulmme l giellabarggijt, æjgádijt ja iehtjádijt arvusmahttet. Oassálasste oadtju diedov ja máhttudagáv manne giellabargoj birra julevsámeguovlon. Dáj miellodahtte biejvij sinna oadtju aj umasse åvddånimprosjevtaj birra diehtet, iehtjádij siegen digitálak bargoj birra.

Konferánsa oajvvetiemá

- åtsådibme

- giellaælládibme

- åhpadus ja oahppa

Konferánssaprográmma julevsábmáj

Konferanseprogram på svensk

Diehto ja diededibme
Værmástahka, Network for Saami Documentation and (Re)vitalitation (jali SaamiDocNet) mij la tjanádum Tråmså Universitehttaj, fállin biednikviehkev julevsáme sebrudahkaj álgadihttjat aktisasj giellabargojt rájá badjel. SaamiDocNetta oajvve l Bruce Morén-Duolljá, Tråmså Universitetas, CASTL

Konferánssa l aktisasjprosjækta Sámij åhpadusguovdátja, Árrana, Gielejarnge ja Vuona ja Svieriga Sámedikke gaskan. Dårjavadde li NordForsk, CASTL - Center for Advanced Study in Theoretical Linguistics/SamiDocNet, Romsa universitähtta, Geilejarnge ja Vuona ja Svieriga Sámedikke . 

Referánssajuohkusin li dá ulmutja barggam prográmmajn:
Vuona Sámedikkes, Svenn-Egil K. Duolljá
Svieriga Sámedikkes, Ingegerd Vannar
Sámij Åhpadusguovdátjis; Sara Aira Fjällström, Gun Aira ja Per-Stefan Labba

Konferánssablogga e-poassta: julevsaamegiella@gmail.com