tirsdag 21. februar 2012

Gåktu åhtsåt bágojt Kintela ådå internæhtta báhkogirjen

Vuostak vállji bokstávan man vuolen sidá åhtsåt, ja dieddela "Ctrl" ja "F", de ihtá boaksa man sisi tjálá.

Buojkulvis, jus sidá åhtsåt mij la báhko "ihtet" dárruj:

Maná "I" vuolláj, dieddela boalojt  Ctrl ja F > tjále åhtsåmbágov "ihtet" boaksaj. Vuojná, i dárbaha dasti sláddit/ "jållerdit".


Hvordan søke etter ord i Kintels nye webordbok

Først velger du bokstaven du vil søke under og trykk "Ctrl" og "F", og en søkeboks vil komme til syne.

Eksempel, hvis du ønsker å søke hva ordet "ihtet" betyr på norsk:

Velg bokstaven "I" og klikk Ctrl ja F > skriv deretter søkeordet "ihtet" i boksen, og du får en norsk oversettelse. Du slipper nå å skrolle deg nedover.


Lulesamisk - norsk ordbok
Norsk - lulesamisk ordbok




lørdag 18. februar 2012

Sválldasa, viehkken giellabargguj



VUONA BIELEN / PÅ NORSK SIDE

fredag 17. februar 2012

Julevsáme báhkogirjje digitála hámen

Præssadiedádus
Dálla l álgge gávnnat degu bágov 
*madtjuhit (gehtja vuollelin). Dáv bágov gávna vuostasj julevsáme-dáro, dáro-julevsáme digitála báhkogirjen mij almoduvvá bierjjedagá 17. biejve guovvamáno julevsáme giellakonferánsan Dálvvadisán.

Sámediggeráde l ávon gå báhkogirjje vijmak almoduvvá ja doajvov dal adnuj boahtá. Diedáv ulmutja li vuordatjam guhkes ájgev dáv báhkogirjev mij sjaddá  ávkken giellabargguj åvddålij guovlluj gå galggá julevsámegielav nannit, javlla Sámediggerádeájras Ellinor Jåma.

Anders Kintel la moadda jage barggam julevsáme-dáro, dáro-julevsáme báhkogirjijn. Uddni gávnnabihtit båddåsasj versjåvnåv nåvkå internehtan, tjoahkkáj 18.500 bágoj goappátjij guovlluj.

- Dát la båddåsasj versjåvnnå ja sávvap addne bukti midjij kommentárajt ja tsuojggidusájt jus gávnni juokkir vigev. Midja barggap ålles digitála versjåvnåjn mav sávvap la gergas jage birán. Maŋenagi galggá dát báhkogirjje almoduvvat girjjen, javllá Jåma.
Báhkogirjje gávnnu www.giellatekno.uit.no værmádagán: 

Julevsámes dárruj (lulesamisk-norsk)

Dáros julevsábmáj (norsk-lulesamisk)


Anders Kintel le riegádam Divtasvuonan 1950. Sujna l Cand.phil. sámegielajn oajvvefáhkan. Uddni sån barggá lektorin Nordlánda Universitehta, julevsámegiela åvdåsvásstediddjen.

Åvdep barggoåtsådallama

Åhpadiddje vuodoskåvlån. Vuostasjkonsulænnta Sáme åhpadusráden. Allaskåvllååhpadiddje ja allaskåvllålektor Bådådjo Allaskåvlån.

Prosjæktaoassálasste
- Oassálasstám Ådå testámenta jårggålimijn julevsábmáj.
-
Oassálasstám jårggålimijn Vuona Girkko liturgijav julevsábmáj.
- Ájras åhpadimplána juohkusin, máhtudaklåggŋimin.
- ájras referánssajuohkusin Bihtámsáme báhkogirjje.
- Dahkam
julevsáme-dáro, dáro-julevsáme.


Politihkalasj doajmmaoassálasstem:
ájras Sáme Giellaráden ja Sámedikke giellalihton, 10 jage goappátjij dåjmajn.

*  madtjuhit (flørte) bágov gávna dálla digitála julevsáme-dáro, dáro-julevsáme báhkogirjen mij almoduvvá uddni.

Sámediggeráde Ellinor Marita Jåma, tel. +47 916 13 460.
E-poassta: ellinor.marita.jama@samediggi.no

Anders Kintel, tel. +47 414 96 377


torsdag 16. februar 2012

Giellaælládibme


Gåktu guhtik gielav nanni ja åvdet?

Vibeke Larsen Vuona Sámedikkes subtsastij idet julevsámegiela báhkogirjje nehtan almmuduvvá!  Hurra! Vijmak! Ietján giehtoj ietjá julevsáme prosjevtaj birra majt Sámedigge le ruhtadam, duola degu Nuoraj-TV, Julevsáme vahkko, giellakursa, giellabiese jná.

Bengt-Åke Kuoljok gut Sirges tjieldev jådet subtsastij sij li tjielde bieles SMSajt julevsámegiellaj tjállegoahtám diehtojuohkemij aktijvuodan. Jus Sirggán li duola degu lárkkama de Bengt-Åkes SMSa julevsámegiellaj manni tjielde ájrrasijda. Buorre!

Jan Erik lågådallamin. Gåvvå: Mattias Harr
Jan-Erik Kuoljok subtsastij gåktu sån ietjas julevsámegielajn le barggam ja gåktu le nannim skåvllåvádtsema ja låhkåma baktu. Dálla barggá giella- ja duodjeåhpadiddjen. Jan-Erik lijkku låhkåt, ja sávvá Zlatana girjev sámegiellaj. Muv kommentárra dasi le 1+1= 2 (Jan-Erik gut skåvlåjt le vádtsám ja le smidás giellaåhpadiddje dávk jårggål Zlatana girjev midjij iehtjádijda  gudi aj dav sámegiellaj sihtap låhkåt?:)

Ylva Jannok-Nutti ja Kajsa Kuoljok libá Goahteskåvlåjn barggam. Prosjevta ulmme lij æjvvalit ja sámástit. Prosjevta baktu galggin oassálasste (máná ja ållessjattuga) tjåhkanit sámegielak dåjmajda. Árbbedábálasj máhtudahka lij guovdátjin, gå vuorrasap ulmutja siegen lidjin “åhpadiddjen”. Maŋŋela aj ådåájggásasj dåjmajt ásadin.
Mån jáhkáv dát vuohke le buorre. Dát prosjækta le buorre åvddåmærkkan prosjæktaj gånnå mánájn li buorre giellaåvddågåvå.

Anne Silja

Manen mánáj ja æiggadij jiena e gávno/gullu dán programmán?

Dávva tjállá Ingar Kuoljok ietjas Facebooka bielen:

Mån lav låhkåm ahte konferansa galggá liehket sjuggelis ja boahtteájggásasj, ja ahte giellaælládibme l tema danna. Lav låhkåm programmav ja iv riekta dadjada manen mana ja æiggada jiena e gávno dan programmán/konferannsán? Mån lav aj åhtssåm jus la mahttelis tjuovvot dav konferannsa internehtan, valla dakkir service ij gavnnu. Gåktu la mahttelis sahkadit giellaælládime birra gå julevsame mana ja æjggada e máhte tjuovvot dav konferannsav ja gå mija (mana ja æjggada) gielladille ij la tema?


Gijtto Ingar buorre gatjálvisá åvtås!

Svenn-Egil

Åtsådibme

Vijmak le julevsáme giellakonferánssa! Mån lev dási mælggadav ávvudallam. Birrusin 80 ulmutja li dán konferánssaj tjåhkanam, 80! Låhko subtsas man stuorra berustibme ja dárbbo le dákkir konferánssaj!

Konferánsan li gålmmå tiemá; åtsådibme, giellaælládibme ja åhpadus ja oahppa.
Udnásj ideda li åtsådalle giehttum guovtegielakvuoda birra, sáme pedagogijka iesjvuodaj ja gielladokumentásjåvnå birra Bijhtámsáme guovlos.

Øystein Vangsnes gut guovtegielakvuoda birra lågådaláj giehtoj le ájnas álgget nav árrat gå vejulasj guokta giela oahppat. Ulmusj juo njuorakmánnán gullá sieradusájt jienaj gaskan guovte gielajn majt bæjválattjat gullá. Máná dádjadi jus gielan le árvvo jali ij. Jus giella árvov galggá oadtjot de fámillja ja sebrudahka vierttiji vuosedit man ájnas le. Mánáj giellaåvddågåvå máhtti liehket ietjá máná. Akta muv giellaåvddågåvåjs le klássaguojmme vuodoskåvlås, Lars Theodor Kintel gut álu Facebookan sámegiellaj tjállá. Sån le aj uddni konferánsan, ja suv ájádusá Vangsnesa lågådallama maŋŋel lidjin:
Verdens fremste forskere ved CASTL, Univ. i Tromsø knuser myter ang barns tospråklighet, foreldre på Drag skole som er redde for at barna sine blir dumme når de lærer samisk, bør lytte på fagfolk og ikke sine egne fornorskede foreldre mm! første rapport fra Julevsáme giellakonferánssa / Lulesamisk språkkonferanse"

Pigga Keskitalo giehtoj skåvlå birra. Sån le dutkam sáme pedagogihkav ja barggá Sáme allaskåvlån. Skåvlå baktu galggi máná sebrudahkaj sosialiseriduvvat, ja de le ájnas at skåvllå vaddá sajev sáme mánáj kultuvrraj ja giellaj. Sáme pedagogihkka le åhpadamvuohke mij sáme sebrudahkaj hiehpá.  

Joshua Wilbour le Bijhtámsámegiella dokumenteringsprosjevtajn barggam. Sån le tjálalattjat, video ja jiednabáttij baktu  dokumenterim ednagav unna gielatjis. Bihtámsámegielagijs li gålmmålåges. Sån gulldaliddjijda vattij sválldasav næhttabælláj gånnå  nåvkå ságastallamav máhttep báddit, sihke jienav ja gåvåv.

Muodugasj prosjækta le julevsámegiella dokumentásjåvnnåj álgaduvvam. Prosjevta namma le “Mávsulasj”.

Udnásj teknologijajn viehkken juohkkahasj gielav máhttá dokumenterit. Wilbour gut le dutke ja stuorra prosjevtajn barggam, valla mån aj gut lev “dábálasj” ulmusj. Mån lev giellaberustiddje, ja tjabu dát bloggim sjaddá juokkirak “giella dokumentasjåvnnån”.


Anne Silja

Dá li lågådallam uddni, bårråmbåttå rádjáj

Heidi Andersen lávloj ja rabáj giellakonferánsa lávllagijn jali vuolijn, "Tjierrek Ingá" birra, dålusj nissun Tjierrekluovtas Divtasvuonas.

Anna Lisa Sandberg Pirtsi giehtoj Luovvaluovtas, ietjas mánnávuoda birra, gåktu lij sjaddat bajás sámesebrudán dåssju sámegielajn. Svenskav åhpaj esski gå skåvllåj álgij.

Henrik-Mihkael Kuhmunen sávaj gájkajda buoris boahtem konferánssaj, Sáme åhpadusguovdátja åvtås.

Svieriga Sámedikke åvdås sávaj Ingegerd Vánnar buoris boahtem ja Vibeke Larsen sávaj vuorbev konferánsa biejvij

Øystein Vangsnes, Tråmså universitehtas, sáhkadij guovtegielkvuoda birra, mij la ávkken ja diedon hásstalusáj birra jus giella galggá bissot ja iellet.

Piggá Keskitalo, Sámij Allasåvlås, sáhkadij sáme pedágogihkalasj iesjvuoda birra.

Josh Wilburn giehtoj gielladokumentasjåvnå birra, bijtámsáme gielladokumentasjåvnnå ja Corpus-lingvistihka birra. Arnhild giehtoj ja duoddij ånigahttjat Mávsulasjprosjevta birra.


Birgitta UR´as diededin ienep Sámásta ådåsmahttema birra.


 - Svenn-Egil